November 13, 2019

ಏನಿದು.. ನೆನೆಪಿನ ಸಂಚಿ ?

ಈ ನೆನಪುಗಳು…
ಸಿಹಿಯಾದರೆ ನನ್ನದೆಯ ಬಾಂದಳದಲಿ ನಗುವಾಗಿ ಚಿಮ್ಮಿದರೆ.. ಕಹಿಯಾದರೆ ಹೃದಯವ ಹಿಂಡಿ ಕಣ್ಣಂಚಲಿ ಅಮೃತಧಾರೆಯಾಗಿ ಹರಿಯುತ್ತದೆ..

ಈ ನೆನಪುಗಳೇ ಹಾಗೆ ಕೆಲವೊಮ್ಮೆ ಹುಣ್ಣಿಮೆ ರಾತ್ರಿಯ ಚಂದ್ರನಂತೆ ಮನಕೆ ಮುದ ನೀಡಿದರೆ ಮತ್ತೊಮ್ಮೆ ಮನಸ್ಸನ್ನು ಅಮಾವಾಸ್ಯೆಯ ಕತ್ತಲ ಕೂಪಕ್ಕೆ ತಳ್ಳಿ ಬಿಟ್ಟು ವಿಕೃತ ಆನಂದವನ್ನು ಪಡೆಯುತ್ತದೆ.
ನೆನಪುಗಳೇ ನೀನೇಕೆ ಹೇಗೆ ? ಮತ್ತೆ ಮತ್ತೆ ಬಂದು ಮನಸ್ಸನ್ನು ಕಾಡಿಸಿ,ಪೀಡಿಸಿ,ಘಾಸಿ ಗೊಳಿಸುವುದೇಕೆ ? ಗಾಯ ಮಾಗಿದರೂ ಕಲೆಯ ಉಳಿಸಿ ಬಿಡುವುದೇಕೆ..?
ಗೊತ್ತಿಲ್ಲ…. ಆದರೂ ಈ ನೆನಪುಗಳನ್ನು ನಾನು ತುಂಬ ಪ್ರೀತಿಸುತ್ತೇನೆ.. ಕಾರಣ ಈ ನೆನಪುಗಳು ಬತ್ತದ ನನ್ನ ಬದುಕಿನ ಸ್ಪೂರ್ತಿ, ನಾಳೆಯೆಂಬ ನಾಗಾಲೋಟದಿಂದ ನಿನ್ನೆಯೆಂಬ ಕಟು ಸತ್ಯಕ್ಕೆ ನನ್ನ ಸೆಳೆಯುವ ಮಾಯಾಮಂತ್ರ, ಜೀವನ ಎಂಬ ಶಿಲಾಯುಗದ ಎಂದೂ ನಿರ್ನಾಮವಾಗದ ಪಳೆಯುಳಿಕೆ..!

ನೆನಪಿನ ಸಂಚಿ
ಇದು ಎಂದೂ ಬತ್ತದ ನನ್ನ ನೆನಪಿನ ಬುತ್ತಿಯಿಂದ ಆರಿಸಿ ತೆಗೆದ ಕಮರಿ ಹೋದ ಕನಸುಗಳ ಅಕ್ಷರ ರೂಪ.. ಅರಳದ ಭಾವಲೋಕದಲ್ಲಿ ಮುದುಡಿದ ಆಸೆಗಳ ಜೊತೆ ಪಯಣ.. ನಿನ್ನೆಯ ಕನಸುಗಳನ್ನು ಇಂದು ಹೂತಿಟ್ಟ ರುದ್ರಭೂಮಿ..!

ಪ್ರೀತಿಸಲು ಅದೆಷ್ಟೂ ನೆನಪುಗಳು..
ನೆನಪಾಗಿ ಅದೆಷ್ಟೋ ನಷ್ಟಗಳು..
ನಷ್ಟಗಳು ಮಾತ್ರ ಕೊಟ್ಟ ಜೀವನ
ಕೊನೆಗೆ ನಷ್ಟಗಳನ್ನೂ ಪ್ರೀತಿಸಿದೆ..
ಕಾರಣ, ಅದೆಲ್ಲ ನನ್ನ ಅತೀ ದೊಡ್ಡ
ಕನಸುಗಳು….!!

ನೆನಪಿನ ಸಂಚಿಯ ಕುರಿತಾದ ನಿಮ್ಮ ಅಭಿಪ್ರಾಯವನ್ನು ಕಳುಹಿಸಿ :  nenapinasanchi@gmail.com