October 15, 2019

ಹುಸೇನಿ ಪದ್ಯಗಳು – 22

goobe

೧)
ಇಲ್ಲೆಲ್ಲೋ ಕಳಕೊಂಡ ನಿನನ್ನು
ನೆನಪಿನ ನಶೆಯಲ್ಲಿ ಹುಡುಕುತ್ತೇನೆ,
ಅಮಲೇರಿದಾಗ ಕಣ್ಣಂಚಲಿ
ಮೂಡುತ್ತೀಯ ನೀನು,
ಹನಿಯಾಗಿ..
೨)
ನಿನ್ನೆ ನಿನ್ನ ನೆನಪನ್ನೆಲ್ಲಾ
ತೇಲಿ ಬಿಟ್ಟ ತೊರೆಯಿಂದ
ಮೊಗೆದು ನೀರು ಕುಡಿದವರೆಲ್ಲಾ ಇಂದು
ತೂರಾಡುತ್ತಿದ್ದಾರೆ,ಚೀರಾಡುತ್ತಿದ್ದಾರೆ;
ಮೊನ್ನೆ ಅವರು ನನ್ನ ಹುಚ್ಚ ಅಂತ ಹಂಗಿಸಿದ್ದರು..
೩)
ಒಂದೊಮ್ಮೆ ನೆನಪಿನ ನಶೆ
ಪರಿಧಿ ದಾಟುತ್ತದೆ, ಸುತ್ತಲೆಲ್ಲಾ ಬರೀ ಶೂನ್ಯ,
ದೂರದಲ್ಲಿ ಒದರುವ ಗೂಬೆ,
ಯಾಕೆಂದೊಮ್ಮೆ ನನಗೆ ನಾನೇ
ಕೇಳಿಕೊಳ್ಳುತ್ತೇನೆ, ಪ್ರಶ್ನೆಗೆ ಹುಟ್ಟಿ
ಸಾಯುವ ಸಮಯವದು…_ಹುಸೇನಿ

Leave a comment

0 thoughts on “ಹುಸೇನಿ ಪದ್ಯಗಳು – 22

Leave a Reply

Your email address will not be published. Required fields are marked *