October 15, 2019

ಹುಸೇನಿ ಪದ್ಯಗಳು – 21

nakshatra
೧)
ಆ ನೋಟದಲ್ಲೇ ನೀ
ಹರಡಿಟ್ಟ ಮೋಡದ ಚೂರು
ಮಧ್ಯ ರಾತ್ರಿ ಹನಿಯಾಗುತ್ತದೆ;
ಅದನಾಯ್ದು ಕವಿತೆ ಕಟ್ಟುವ ಸಂಭ್ರಮ ನನಗೆ..

೨)
ನೀ ತೊರೆದು ಹೋದ ಹಾದಿಗುಂಟ
ಸಾಲು ನಕ್ಷತ್ರಗಳ ಕಾವಲುಂಟು;
ದಾರಿಯುದ್ದಕ್ಕೂ ಇನ್ನೊಂದಿಷ್ಟಿರುಳು ಉಳಿದಿದೆ,
ಬಹುಶಃ ನೀನು ಬಿಟ್ಟು ಹೋದ ನೆನಪುಗಳದ್ದಾಗಿರಬೇಕು..

೩)
ಅಪರಾತ್ರಿ ನೀನು ನೆನಪಾಗುತ್ತೀಯ;
ಹೊರಗಡೆ ಜೋರು ಮಳೆ, ಈಗೀಗ
ಯಾಕೋ ಮಳೆಯೂ ಎದೆಯೊಳಗಿಳಿಯುವುದಿಲ್ಲ;
ಒಡಲೊಳಗಿನ ತಪನೆಯ ತಂಪಿಗೆ ಕಣ್ಣೀರೇ ಬೇಕಂತೆ..

_ಹುಸೇನಿ

Leave a comment

0 thoughts on “ಹುಸೇನಿ ಪದ್ಯಗಳು – 21

Leave a Reply

Your email address will not be published. Required fields are marked *